《侵放生歐》
响度先講句唔好意思，因為太忙，開左兩張期票出黎而係一直都未兌現既（我意思係話：我有兩個po呃左like但係未俾返個膠袋大家啊）依家終於得閒少少（唔食飯咪有時間囉）同大家講講中、美、歐依家發生緊咩事！首先，中美大戰打到一塌糊塗，依家大家唔睬大家我唸你都知，but早前阿爺係咁唸既：「你個死美國佬唔要我d野咪罷就囉，我仲可以sell俾班歐洲佬、日本仔格！」係咁，我地一直相信阿爺有意無意整低個人民幣，又或者俾個人民幣自己整低自己，就係因為咁，因為佢仲可以吸引其他既國家要佢d出口野！
不過呢個世界有樣野，叫做「你精我都精，飲杯竹葉青」阿侵又點會任得你同歐洲佬同日本仔搞關係丫？佢原先都好硬架，見完歐盟既容克，同英國既文翠珊兩位鐵娘子之後——當！堂！軟！晒！決定放過歐洲佬，唔再對佢地出口既車徵關稅。忽然間，成個世界好似分開左兩邊咁，一邊係阿侵，同佢d親密戰友，另一邊就係阿爺…仲有…我隱約仲見到戰鬥民族企响佢身邊，但聽日就唔包喇。係咁人民幣仲貶黎做咩？中美既貿易戰好似打完，但另一邊廂，好似係阿爺打緊八國聯軍！前路茫茫啊，所以依家只能夠靠內需、基建，其他乜都係假！
Search